வாராகி நடுவெழுத்தலங்காரம்

 வாராகி  நடுவெழுத்தலங்காரம்

பல விகற்ப நேரிசை வெண்பா

 நதிமீன் மணம்மீன்தாய் மன்மதன் நன்றே
பதியூறு காய்படையில் வாழ்க்கை- துதிசெய்
பனிவல்லல் கல்லமை கான்நமை மாடு
பசுவிமை என்றே பகர்.

சொல்      பிரதி          நடு   முதல் கடை

நதி       பவானி         வா      பனி

மீன்      வரால்           ரா      வல்

மணம்    அகில்           கி      அல்

மீன்       கயல்           ய      கல்

தாய்      அம்மை         ம்      அமை

மன்மதன் காமன்           ம      கான்

நன்றே    நன்மை         .ன்      நமை

ஊறுகாய்  மாவடு          வ      மாடு
படை     பரசு              ர      பசு
இல்வாழ்க்கை  இம்மை     ம்      இமை

வாராகியம்மன் வரம்

இன்னொரு வகை

 நதிமீன் மணம் மீன் தாய்  மன்மதன் நன்றே
பதியூறு காய்படையில் வாழ்க்கை – துதிசெய்தே
ஆராய்ந்து மத்தி யமையப் பெறுவோமே
வாராகி யம்மன் வரம்

(அடுத்தடுத்து வரும் சொற்களின் பொருளில் நடுவெழுத்துகளைத் தொகுக்க வரும் சொற்றொடர் நடுவெழுத்தலங்காரம். எ.கா  நதி – பவானி என்பது ஒரு நதி  அதன் நடுவெழுத்து வா. இப்படி மற்றச் சொற்களின் பொருளின் நடுவெழுத்தைத் தொகுத்தால் (வாராகி அம்மன் வரம்) என்று வரும் .

முதல் வெண்பாவில் நடுவெழுத்தை எடுத்து விட்டால் விஞ்சும் சொற்கள் என்னென்ன என்பதை மூன்றாவது நான்காவது அடிகளில் காணலாம்

இரண்டாவது வெண்பா ஆராய்ந்து மத்தி யெழுத்துகளைச் சேர்த்தால் “வாராகி யம்மன் வரம்” என்று வரும் என்று சொல்கிறது