ஐயப்பன் கும்மி

ஐயப்பன் கும்மி

கும்மியடி பெண்ணே கும்மியடி -மிகக்

கோலாகலமாகக் கும்மியடி

நம்பிக்கை கொண்டு சரணமென்றே ஐயன்

நாமத்தைச் சொல்லியே கும்மியடி

நீலகண்டன் இளம் மைந்தனடி-சுழல்

நேமி வலங்கொண்டான் செல்வனடி

ஞாலம் புறந்திட வந்தவன்டி-ஊமை

நாவில் அசைவினைத் தந்தவன்டி

கொல்லும் புலியினை வென்றவனாம்-மேலே

கோலா கலமாகச் சென்றவனாம்

பொல்லா மகிஷியை மாய்த்தவனாம்-வீட்டும்

புன்மைகள் யாவையும் தேய்த்தவனாம்

காட்டில் மிருகங்கள் அஞ்சுமடி-ஐயன்

கமல மலர்ப் பதம் தஞ்சமடி

நாட்டம் செலுத்திடும் நெஞ்சமடி- ஐயன்

நாமத்தை வேறெது விஞ்சுமடி

சபரிகிரி முடி சார்ந்தவண்டி -உளச்

சத்தியத்தில் நிலை சேர்ந்தவன்டி

அபய மளித்திடும் ஐயனடி-நாடி

அன்பர் தொழுதிடும் மெய்யனடி(கும்மியடி)