வல்லமை தாராயோ?

வல்லமை தாராயோ?

சொல்லை நடத்துகிற - தாயே

ஜோதிப் பரம்பொருளே

வல்லமை தாராயோ - என்றன்

வார்த்தை பலித்திடவே!

மழையினை வாவென்றால் - அது

வந்து பொழியட்டும்

மொழியில் செம்மொழியாய்த்- தமிழை

முன்னம் மொழியட்டும்

என்சொல் கவிதையென - உலகம்

ஏற்று மகிழட்டும்

இன்னும் இன்னும் பெருமை- வந்தே

ஏற்றம் திகழட்டும்

தீவிர வாதமெல்லாம்  நாட்டில்

தேய்ந்து மறையட்டும்-

காவிரி ஆற்றினிலே -வெள்ளம்

கரைபுரண் டோடட்டும்

நலந்தரும் சொல்லெல்லாம் - என்றன்

நாவில் பிறக்கட்டும்

இலந்தை நல்லவனே- என்னும்

ஏற்றம் சிறக்கட்டும்.