வாராகி கும்மி

வாராகி கும்மி

கும்மியடி பெண்ணே கும்மியடி – மிகக்
       கோலா கலமாகக் கும்மியடி
நம்மரும் வாராகி தேவியின் பேர்பாடி
       நல்ல படியிங்கே கும்மியடி                -     கும்மியடி

வானைத் தடவிடும் அம்மை கிரீடத்தில்
       வண்ண ஒளிவைரம் பாருங்கடி
தானைத் தலைவியின் வீரத்தைப் பாடியே
       தட்டித் தட்டிக் கைகள் சேருங்கடி           -     கும்மியடி

காலை எடுத்துத் தரையில் வைத்தால் -இந்தக்
       காசினி முற்றும் அதிருமடி
சாலப் புடைத்தே எதிரியை வீழ்த்திடும்
       சத்தத்தில் விண்மீன் உதிருமடி             -     கும்மியடி

தன்னை வணங்கிடும் பக்தரைக் காத்திடத்
      தாயெனப் பாசம் பொழிபவளாம்
அன்பர்கள் சிக்கும் வழக்குகளில் வேண்டும்”
      ஆதாரச் சொற்கள் மொழிபவளாம்      -     கும்மியடி

என்ன கொடுப்பத வளறிவாள் அதை
      என்று கொடுப்பத வளறிவாள்
அன்னதை எவ்விதம் எங்குக் கொடுப்பதென்(று)
      அத்தனையும் அவள் தானறிவாள்      -     கும்மியடி