கிரிசக்ர ரத விருத்தம்

கிரிசக்ர ரத விருத்தம்

எங்கெங்கு நோக்கினும் அங்கங்குத் தோன்றிடும்
     எதிரியைத் திணறடிக்கும்
      எவ்வள வாயினும் அவ்வள வாம்தொலை
      வெண்ணுமுனே  சென்றிடும்
அங்கங்கள் மீதினும் ஆகாயம் மீதினும்
      அஞ்சாமல் தான்நடக்கும்
      அட்டகா சம்செயும் ஆரவா ரம்செயும்
      ஆங்காரத் தோற்றம் கொளும்
பங்கங்கள் இல்லாமல் வெங்கோபம் கொண்டதாய்ப்
     பாய்ந்தெங்கும் தானோடிடும்
      பரிகளும் எதிர்வரும் கரிகளும் நடுங்கிடப்
      பம்பர மாய்ச் சுழற்றும்
கங்கங்கு சுற்றுதோ காற்றங்கு சுழலுதோ
      காலனோ என்றஞ்சிடக்
      கருதரிய வாராகி கிரிசக்க ரம்மம்மை
      கண்ணசைப் பில் ஓடுமே!